Cavite KKTK’s Blog

Mensaheng hatid ng mga National KKTK Officers

Cavite Division 2nd General Assembly

Theme: Di Kami Nagbibiro Gal 6:7

Local ng Salitran

“Mas importante ang magpatuloy sa paglilingkod sa Dios at hindi ang pag-aasawa. Dapat ang inuuna natin ay ang paglilingkod sa Dios. Dati marami tayong kalokohan, bawi tayo ngayon sa Dios. Yung 15 yrs, 16, 17 yrs o ilang taon na hindi tayo kaanib, bawiin natin yun sa paglilingkod sa Dios. May trabaho ka, gamitin mo sa gawain”…

Sana mga kapatid kung nararamdaman ninyo na tinatawag kayo bilang isang manggagawa, sana tugunan natin ang pagtawag ng Dios sa atin. Yung iba nakararamdam… “Bakit ganon kapag may tumatayong manggagawang nagbabasa ng Biblia, parang gusto kong gawin…” Sabi sa Filipos 2:13 – “Sapagka’t Dios ang gumagawa sa inyo maging sa pagnanasa at sa paggawa, ayon sa kaniyang mabuting kalooban.” Ngayon, kung tinatawag ka na mag-choir, maganda ang boses mo, kung gusto mong mag-teatro at meron tayong gustong gawin, may nararamdaman tayo, may pagkilos ang Dios po duon. Sana sa ganong panawagan satin, bilang kabataan, harapin natin. Tanungin natin ang ating sarili… Panginoon baka dito nyo po ako kasangkapanin bilang isang kabataan. Sana sa maliit na paraan magpakasangkapan po tayo. Ngayon iba na ang prinsipyo natin bilang isang kabataan. Iniisip napo natin kung paano tayo makakatugon sa pagtawag satin dito sa loob ng Iglesia. Kapag tinawag ka sa Iglesia, kasangkap ka ng katawan. Meron tayong bahagi dun. Hanapin mo… Saan ka ba, sa bibig ka ba? Tutulong ka ba sa pagpapalaganap… sa pagmamanggagawa. Saan ka ba, sa kamay ka ba? Tutulong ka ba sa mga gawain na kailangan ng manpower… Saan ka ba, sa financial ka ba makakatulong? Alamin po natin mula ngayon at itanong sa ating mga sarili… Naanib ako bilang isang kabataan, ano yung kasakdalang hinihingi sakin ng Dios para maipaglingkod ko sa kanya kaya niya ako tinawag sa Iglesia.

Hindi po tayo mananatiling dadalo lang sa mga pagkakatipon, pasalamat, pagsamba. Meron po tayong part sa Iglesia. Kung tinatawag ka sa pagmamanggagawa, kung tinatawag ka bilang isang choir, kung tinatawag ka bilang isang teatro o BREAD Society o kung tinawag ka bilang makakatulong sa UNTV production… Alamin natin mga kapatid. Nakasulat sa I Cor. 12:31 “Datapuwa’t maningas ninyong nasain, ang lalong dakilang mga kaloob. At ituturo ko sa inyo ang isang daang kagaling-galingan”. Iyon po ay yung pagiging manggagawa, pinananasa po iyon sa atin. Kagaya ng kampanya ng nakaraang IYC na “MISSION PROPAGATION”. Lagi pong sinasabi ng ating mga mangangaral na maraming kailangang mga manggagawa. Sa sino mang nakakaramdam…manalangin po kayo na… “ Ama tulungan mo po ako na kahit hindi ako karapat-dapat ngunit atas ng pananampalataya na tiwala ako sa inyo na dito ninyo ako tinatawag. Bahala napo kayo sa akin. Ibibigay ko po yung BEST ko. Tulungan mo po ako…”

Kami bilang kasangkapan po ninyo na mga National Officers, sa awa’t tulong ng Dios, iba sa amin lagpas na ng pito, lagpas na ng sampu. Sa awa’t tulong ng Dios, yung natutunan namin kay kapatid na Eli at Kuya Daniel, nag-iisip parin kami kung papaano lubos na makakatulong na huwag ng makadagdag pa sa problema nila. “Yung tayo lang, huwag nang maging malaking problema sa ating mga mangangaral… malaking tulong napo natin ito sa kanila”. Tulong na natin kina kapatid na Eli at kapatid na Daniel na tayo’y huwag nang maging pabigat pa! Para makaiwas tayo sa kasalanan, sa problema, ang gawin natin ay gamitin natin ang ating kabataan sa paglilingkod sa Dios. Alam ko po na marami po sa atin ang binigyan ng Dios ng talento. Hindi natin pwedeng sabihin na wala tayong magagawa, kundi bibigyan ka ng Dios ng magagawa mo, at kakailanganin mo, lalo na sa paglilingkod mo sa kanya. Ang kailangan lang natin ay hanapin ito. Tanungin natin ang ating mga sarili, saan ba ako tinatawag ng Dios? Bilang isang kabataan, ano ba ang maipaglilingkod ko. Tugunan natin at gawin natin sa pananampalataya. Kami ay umaasa, na lahat ng kabataan sa Cavite, makakatulong sa pagpapalaganap ng salita ng Dios sa buong mundo. Tulong tulong po tayo. Huwag po tayo sanang mapagod. Tayong mga kabataan ang magbabandila at mangunguna sa ibang kabataan ng sanlibutang ito. Anumang talentong meron tayo ngayon, gamitin natin, huwag nating hayaang wala tayong ginagawa. Ipaglingkod po natin ito sa loob ng Iglesia. Salamat po sa Dios….

Kuya Daniel’s message for KKTK Leadership Training

January 7, 2009

ADD Convention Center

Bilang mga kabataan, kayo ang malaki ang chance na datnang buhay sa pagbabalik ng ating Panginoong Hesukristo. At sana, sa ating mga paggawa ay huwag din nating kalilimutan, mga kapatid na ang mahalaga sa atin ay yung bagay na para sa itaas, huwag natin ilagak ang ating mga pag-iisip sa mga bagay na nasa ibabaw ng lupa. Kundi ilagak natin ang ating mga pag-iisip doon sa mga bagay na nasa langit. Kaya tayo ay gumagawa, hindi para sa bagay na panlupa kundi para doon sa ikakapagiging dapat ng ating mga kaluluwa sa kaharian ng Dios. Kaya huwag kayong mag-isip na ang paglilingkod sa Dios ay pag-babarkada, masaya sa kalokohan o kaya mag-uusap ng mga bagay na pansanlibutan. Kami ay naniniwala na mayor parte sa inyo ay may pangako sa Dios, na sumusunod duon sa mga gusting makita sa isang kabataan, na lumalayo sa masamg pita ng laman. Bilin ng Biblia sa atin. 2 Tim 2:22 “Datapuwa’t layuan ninyo ang masamang pita ng kabinataan, at sundin mo ang kabanalan, ang pananampalataya, ang pag-ibig, ang kapayapaan, kasama ng mga nagsisitawag sa Panginoon mula sa pusong malinis.” Huwag tayong mahirati sa masang pita ng sanlibutan. Kundi mabuhay tayo duon sa gusto ng Dios, na tayong mga kabataan ay makasama sa pagtupad ng hula na sa mga huling panahon ay ibubuhos ng Dios ang kanyang Espiritu. Yung mga binata, yung mga dalaga, sila ang receipient, at yun ay nangyayari sa loob ng pagsasama-samang sa Dios. Ang wika sa Joel 2:29 “At sa mga lingkod na lalake at babae naman ay ibubuhos ko sa mga araw na yaon ang aking Espiritu” Joel 2:28”At mangyayari pagkatapos, na ibubuhos ko ang aking Espiritu sa lahat ng laman: at ang inyong mga anak na lalake at babae ay manganghuhula, ang inyong mga matanda ay magsisipanaginip ng mga panagip, ang inyong mga binata ay mangakakakita ng mga pangitain:” Kaw. 1:23 “Magsibalik kayo sa aking saway: Narito, aking ibubuhos ang aking espiritu sa inyo, at ipakikilala ko sa inyo ang aking mga salita.” Para tayo ay makasama duon sa magiging receipient na mabubuhos ang Espiritu, dapat marunong tayong magpasaway sa Dios, at hindi tayo hahanay duon sa mga tao na ayaw magpasakop sa mga utos ng Dios. Alam ko, na kayo bilang mga Kristianong sumusunod sa aral ng Dios ay magpapasaway tayo. Hindi tayo kagaya ng ibang kabataan na ang kasayahan ay disco at bawal na gamot. Hindi ganon ang kabataang lingkod ng Dios.

Kaya mga kapatid, sa kabuoan ng ating mga pagkakatipon, sana ay ok kayo. Sana ay madala natin ito sa ating kapwa kabataan. At patnubayan nawa tayo ng Panginoon na matugunan natin yaong mga bagay na magsisilbing paraan para tayo ay mas makagawa ng epektibo bilang mga opisyales. Na ang lagi nating batayan ng ating pag-gawa ay yaong aral ng Dios. Yung sinasabi sa Fil. 1:27”Ang inyo lamang pamumuhay ay maging karapatdapat sa evangelio ni Cristo: upang, maging ako ay dumating at kayo’y makita, o wala man sa harap ninyo, ay mabalitaan ko ang inyong kalagayan, na kayo’y matitibay sa isang espiritu, na kayo’y mangagkaisa ng kaluluwa na nangagsisikap sa pananampalataya sa evangelio;” Huwag tayong aalis sa pattern na iyan. Kahit na anupang libro ang inyong mabasa, kahit na anong pelikula ang inyong mapanuod, kahit sinumang marinig ninyong speaker… Lagi nating tatandaan na ang panuntunan ng Kristiano ay ang Banal na Kasulatan. I Cor 4:6 “ Ang mga bagay ngang ito, mga kapatid, ay inianyo ko sa halimbawa sa aking sarili at kay Apolos dahil sa inyo; upang sa amin ay mangatuto kayo na huwag magsihigit sa mga bagay na nangasusulat; upang ang sinoman sa inyo ay huwag magpalalo ang isa laban sa iba.” Ito’y isang bagay na dapat lagi nating maintindihan na mga lingkod ng Dios, yaong mga aral na sinulat ng Dios , yun ang batayan natin sa lahat ng ating mga paggawa, sa lahat ng ating mga paglilingkod. Na unang-una gawin nating mula sa puso ang lahat ng kalooban ng Dios. Efeso 6:6 “Hindi ang paglilingkod sa paningin, na gaya ng pagbibigay lugod sa mga tao; kundi bagkus gaya ng mga alipin ni Cristo, na ginagawa mula sa puso ang kalooban ng Dios;” Anong klaseng puso? Isang pusong malinis, na lumalayo sa masamang pita ng kabinataan… sa masamang pita ng laman. Isang pusong malinis na may takot sa Dios. Layuan mo ang masamang pita ng kabinataan. Sundin mo ang kabanalan. Ang pananampalataya, pag-ibig at kapayapaan, kasama ng mga nangatatakot sa Panginoon. Lahat ng ating ginagawa ay gawin natin sa pag-ibig. Gawin ninyong may karapatan at kaayusan ang lahat ng mga bagay.

Pero ang mas mahalaga sa isang lingkod ng Dios at binibigyang pansin at importansya ay ang mga aral ng Dios. Sapagka’t ang sa Dios ay nakikinig ng mga salita ng Dios. Kaya umaasa ako mga kapatid, na you will always be guided by the holy scriptures. Mas marami na ang mga kabataan ngayon. Kaya dapat mas lalo nating ipakita ang pwersa ng kabataang may takot sa Dios. Ang kapisanan o pagsasamasama ng kabataang ito ay hindi layabilidad ng lipunan. Kundi kayo ay asset ng sanlibutan na may paniniwala doon sa aral na ating kinikilala. Kaya sa ngalan ng mga MIC at mga manggagawa… dalangin namin ang pinakamabuti sa inyo. Kasiyahan nawa kayo ng Dios sa inyong mga paggawa. Pagpalain nawa tayo ng Panginoon. Magandang gabi sa inyong lahat.

September 22, 2007Saturday

22^nd KKTK International Thanksgiving

Apalit Pampanga ADD Convention Center

Sa aking mga magulang,

Mahirap sabihin ang mga salitang patawad… salamat…mahal kita…

Marahil ay inyong iniisip na kami’y walang pakialam, na ang aming lamang iniisip ay ang aming sariling buhay. Mas madalas ay nabibigyan namin kayo ng sama ng loob, ng kawalang pag-asa, ng mga tagong luhang dulot ng aming kamangmangan.

Patawad po, kung kayo’y aming nasaktan. Salamat po, sa inyong pagmamahal na walang katapusan. Mahal namin kayo… Hindi lamang dahil kami’y mahal ninyo, kung hindi dahil… bagamat kami’y may maraming pagkukulang, walang sawa kayong umuunawa, kayo’y matiyagang sumusubaybay. Nakaalalay sa aming paghakbang.

Hindi nyo lang alam na ang inyong kaligayaha’y kagalakan sa aming puso. Hiling po namin ang inyong kasiyahan sa bawat oras na kami’y nawawaglit sa inyong paningin, at hindi naglalagi sa ating tahanan, upang tupdin ang aral at utos ng ating Panginoon at buong sikap na gumagawa sa ikaluluwalhati ng ating Ama. Sana’y inyo pong nauunawaan na ang mga bagay na ito ay hindi lamang para sa amin, kundi para sa inyo din.

Kaya’t ngayon… Hayaan po ninyong pasalamatan namin ang Panginoong Dios ng may kaligayahan, sa pagbibigay Niya sa amin ng mga magulang na tulad ninyo. Mahal namin kayo… Salamat po sa Dios.

Nagmamahal,

Kapisanan ng mga Kabataan Tungo sa Kasakdalan

January 2, 2007 Tuesday

KKTK Officers Convention / Congress / Workshop

FCIE Hall Langkaan Dasma Cavite

SURVIVAL OF THE FITTEST
(Important: Assume that the following hypothesis is real.)

You and ten other people are in a bomb shelter following an atomic bomb explosion over the city. It would be fatal for anyone to leave before at least one month because of fallout and radiation. But there is only enough food, water and oxygen to last for two weeks for 11 persons, or one month for six (6) persons. As the owner of the shelter, you have been elected to decide the five (5) persons (excluding yourself) who have to be sacrifice so the others can survive, among the following:

1.)DEACON, 33, psychology professor, who has a good grasp of the situation and has calmed the group’s nervousness. She can be most valuable in organizing and pacifying the group, although she seems to be cold and impersonal.

2.)UNDER INDOCTRINATION, 20, gorgeous and attractive, home economics student, expert on nutrition and dietetics. She knows how to ration and stretch the food supply and can fix up canned goods appetisingly. She is efficient and domineering and bossy.

3.)KKTK PRESIDENT, 21, brilliant college student who has done much research on nuclear radiation. His scientific knowledge would be vital but he is sort of ’spoiled’ and cannot bear the thought of sleeping in a room with five other people and wearing the same clothes (and no bath for one month).

4.)KATANDAAN OFFICER, 19, literature major, wide reader and good writer. She has been entertaining the group with stories which can help the group releive their fears.

5.)NITA (WORKER’S WIFE), 25, a very kind person but extremely nervous and temperamental, partially due to the fact that she is expecting her first baby in two months.

6.)WORKER, 26, Nita’s husband, a medical student with a lot of practical experience in his father’s medical clinic. His first aid services could be critically essential but he will only stay if his wife will remain.

7.)KKTK MEMBER, 20, only a high school graduate but a great mechanic, he can handle the air filtration and oxygen purification systems. The trouble is he always feels hungry and does not seem to understand the need to conserve water and food supply.

8.)PRIEST, 27, newly ordained priest whose calmness, optimism and faith are sources of inspiration to the group. Somehow, his mere presence is a source of comfort but he needs a special diet for his diabetes and always faints when excited.

9.)KATANDAAN SECRETARY, 20, big-bodied athlete, the only one who can lift the heavy metal plate which seals the shelter door. He is respected by all but he cannot control his temper. Once, he and Badong came to a fistfight over some disagreements.

10.)NEWLY BAPTIZED, 17, happy-go-lucky guy whose lively guitar music and sense of humor have helped maintain group morale. He gets along well, except with the girls who complain about his being fresh with them.

WHICH FIVE WILL YOU CHOOSE TO REMAIN WITH YOU IN THE BOMB SHELTER? WHY?

you can send your answers through my email: kktk_cavitedivision@yahoo.com

Ako ay kabataang Kristiano

Iniibig ko ang Iglesia

Ako ay kinukupkop

Bilang ganti ay susundin ko

Ang batas at aral ng Evangelio

Tutuparin ko ang tungkulin

Ng kabataang Kristiano

Pananatilihin kong masigla

Ang aking pananampalataya

May malinis na budhi sa kapatid

Aking sisikaping palaging

tumulong sa gawain ng Iglesia

Magmamalasakit sa pagpapanatiling

malinis ang lokal

Di magpapagabi sa pag-uwi sa bahay

Di sakit ng ulo ng katandaan

At susunod sa tinig ng ating Mangangaral

Sa bawat araw nitong aking buhay

Mayroong pangarap na ibig makamtan

Ang laging laman ng aking dasal

Sana ako ay makapagtagumpay

Koro:

Buhay walang hanggan

Pangarap ng puso

Doo’y mapapawi lahat ng siphayo

Sa piling ng Ama

Ni Hesus kong kasuyo

Duon ang ligaya’y hindi maglalaho

Kapag dumarating ang mga pagsubok

At itong dibdib ay, parang dinudurog

Ang alaala koy, si Hesus na irog

Di magpapabaya sa kanyang mga lingkod

(Repeat Koro)

Bridge:

Bayang banal mararating, Dios Ama’y makakapiling

Pangarap ko ay kakamtin

Sa tulong ni Hesus kong giliw

Magwawakas… Itong panimdim…

(Repeat Koro)

Makakamtan ang pangarap ng puso..

Isang Araw Lang

(OST – Isang Araw Lang Movie)

Sa isang kisap mata marami ang nagaganap

Sa ating Mundo gawa ng masama,

Nagbunga ng gulo… ohhhooohh

Sa pag-ikot ng panahon

Maraming sugat ang dinulot ng poot

Mga suliranin ay hindi nagagamot

tayo rin ang may lalang…

Ngunit kaya ngang gawin…

Baguhin ang takbo

Ang pag-asang binigay sa atin

Ang panghawakan mo

At huwag nang bibitawan kailanman… oohohohohh

Tayo na’t magsama-sama

Kumilos ang bawat isa

Mabuting paggawa ipandaig sa masama

At ang lahat ay magsisimula…

Sa isang Araw lang

Sa pagkilos ng orasan isipin mong

Dakila nga ang dahilan

Bakit ba patuloy sa pag-ikot itong mundo? Ohuhohohoh

May dakilang dahilan.

Kayang-kaya ngang gawin

baguhin ang takbo

Ang pag-asang binigay sa atin

Ang panghawakan mo

At huwag nang bibitawan kailanman… kailanman…

Tayo na’t magsama-sama

Kumilos ang bawat isa… ohuhoohoho

Mabuting paggawa ipandaig sa masama

At ang lahat ay magsisimula…

Sa Isang Araw Lang

MAbuting paggawa ipandaig sa masam

At ang lahat ay magsisimula…

Sa Isang Araw Lang

At ang lahat ay magsisimula…

Sa Isang Araw Lang.